Ukrayna ordusuna məxsus hərbi texnika karvanı Slavyanska yeridilib. Bu barədə jurnalist Saymon Ostrovski Tvitter hesabında yazıb.
Onun sözlərinə görə, hərbi karvanda özüyeriyən haubitsalar və “Uraqan” yaylım atəş sistemləri olub. Daha sonra isə internetdə hərbi karvanın irəliləməsini əks etdirən video yayılıb. Videoda 152 mm-lik Msta-S özüyeriyən haubitsalara rast gəlmək olur.
Qeyd edək ki, Ukrayna prezidenti Pyotr Poroşenko tərəfindən elan edilən atəşkəs dünən yerli vaxtla saat 22:00-da başa çatmışdı.
