Əsgərlərimiz kəndimizi atəşə tutan erməniləri yerində oturdublar.
Qarabağda, təmas xəttində erməni əsgər öldürülüb.
ANS PRESS-in bölgə müxbirinin məlumatına isitnadən, hadisə şənbə günü, iyulun 5-də qeydə alınıb.
Belə ki, ermənilər Füzuli rayonu, Şükürbəyli kəndi ərazisində atəşkəsi növbəti dəfə pozublar. Ermənilər aramsız şəkildə kəndi gülləbaran ediblər.
Azərbaycan Silahlı Qüvvələri ermənilərə cavab atəşi açıb. Atışmadan sonra təmas xəttində erməni əsgərinin meyidi qalıb.
Kənd sakinlərinin verdikləri məlumata görə, ermənilər sonra öldürülən hərbçilərinin meyidini aparıblar.
