“Təyyarəni biz vurmadıq”

“Hadisəni indi eşitdik. Bu yüksəklikdə olan bir təyyarəni vurmaq üçün bizim gücümüz yoxdur” Ukraynanın şərqindəki qondarma Donetsk Xalq Respublikası separatçıları az öncə vurulmuş Malayziya təyyarəsinin onlar tərəfindən vurulmadığını və hər hansı sərnişin təyyarəsini vuracaq gücə sahib olmadıqlarını bildiriblər. Qondarma Donetsk Xalq Respublikasının baş nazir köməkçisi Andrey Purgin bildirib ki, 10 min metr yüksəklikdəki təyyarəni vurma gücünə sahib deyillər: “Hadisəni indi eşitdik. Bu yüksəklikdə olan bir təyyarəni vurmaq üçün bizim gücümüz yoxdur”.

Qeyd edək ki, Malayziya hava yollarına məxsus sərnişin təyyarəsi Rusiya-Ukrayna sərhəddində qəzaya uğrayıb. Təyyarədə 280 sərnişin və 15 ekipaj üzvünün olduğu deyilir.

Ukrayna daxili işlər nazirliyindən verilən məlumata görə 295 nəfərdən sağ qalan olmayıb. Təyyarənin 10 min metr yüksəklikdə vurularaq düşürüldüyü bildirilir. Qeyd edək ki, Boing 777 təyyarəsi Amsterdamdan Kuala Lumpura uçurdu.