Moskva gərginliyin danışıqlar yolu ilə həllinin tərəfdarıdır

Bu gün Rusiyanın ərazi bütövlüyünə və müstəqilliyinə heç bir təhlükə yoxdur. Dünyadakı güc balansı buna zəmanətdir”. Bunu Rusiya prezidenti Vladimir Putin Təhlükəsizlik Şurasının iclasında çıxışı zamanı deyib. Onun sözlərinə görə Rusiya atdığı bütün addımlarda beynəlxalq hüquq normalarına ciddi riayət edir. Vladimir Putin ölkəsinin hansısa ittifaqa qoşulmamasının səbəblərini də açıqlayıb.

Kreml rəhbəri bildirib ki, hansısa ittifaqa girmək bəzən həmin ölkənin müstəqilliyinin bir hissəsinin itirilməsi ilə nəticələnir. Rusiya dövlət başçısı qeyd edib ki, müxtəlif dövlətlər hədəflərinə çatmaq üçün müxtəlif metodlardan istifadə edir: “Beynəlxalq səhnədə rəqabət mübarizəsinin mexanizmlərindən istifadə edir. Bura iqtisadi, siyasi sferalar daxildir”.

Putinin Ukrayna məsələsinə də toxunub və bildirib ki, rəsmi Moskva gərginliyin danışıqlar yolu ilə həllinin tərəfdarıdır. Rusiya lideri onu da bəyan edib ki, böyük güclərin ssenarisini yazdığı və həyata keçirdiyi “rəngli inqilablar” Rusiyada tətbiq edilə bilməyəcək. “Biz təhlükələrə müvafiq qaydada reaksiya verməliyik. Sözsüz ki, bu cür metodlar Rusiyada həyata keçməyəcək”,-deyə V. Putin vurğulayıb.