PRESS NEWS AZERBAIJAN

Tibb Universitetindən qovulan gənc özünü asdı – FOTO

11.08.2014

 

Nicat ölümündən əvvəl atasına məktubda ondan adam olmayacağını yazıb.

 

Ağstafa rayon sakini özünü kəndirlə asaraq intihar edib.

 

PressNews.Az, APA.Az-ın verdiyi məlumata istinadən, xəbər verir ki, Ağstafa Rayon Prokurorluğundan APA-nın qərb bürosuna verilən məlumata görə, hadisə rayonun mərkəzində Səməd Vurğun küçəsində baş verib.

 

Rayon sakini, 1992-ci il təvəllüdlü Nicat Həsənov yaşadığı evdə özünü asaraq intihar edib.

Məlumata görə, N.Həsənov Rusiyada tibb universitetində oxuyurmuş.

Oradan xaric olunduqdan sonra rayonda babası ilə yaşayırmış. N.Həsənov ölümündən əvvəl atasına məktub da yazıb.

 

Nicat məktubunda ondan adam olmayacağını, anasının yanına getdiyini, anasının onu qoruyacağını yazıb.

 

Faktla bağlı Ağstafa Rayon Prokurorluğunda araşdırma gedir.