Nazarbayevin çıxışına sərt cavab

“Gömrük İttifaqı – öz iqtisadi, ticarət və investisiya potensialını gücləndirməkdə fayda görən dövlətlərin birliyidir”.

Bu sözləri Rusiya Xarici İşlər naziri Sergey Lavrov Qazaxıstan prezidenti Nursultan Nazarbayevin Gömrük İttifaqından çıxmaqla bağlı çıxışını şərh edərkən söyləyib.

O, Rusiyanın Ukraynanın şərqində gedən münaqişənin tez həll olunmasının tərəfdarı olduğunu bildirib: “Rusiya, Ukrayna, eyni zamanda, Belarus Ukraynanın şərqində gedən silahlı münaqişə məsələsində tamamilə birdirlər, yəni hər üç dövlət burada münaqişənin həll olunmasının tərəfdarıdır”.

Xatırladaq ki, daha öncə Nursultan Nazarbayev Qazaxıstanın müstəqilliyinə təhlükə yaradan təşkilatların bir hissəsi olmayacağını qeyd etmişdi.