Biz nə əti yeyirik?

Bu paytaxtın kolbasa və sosis sexlərinə ət satan və paytaxtın Nərimanov rayonunda yerləşən ət kəsim məntəqəsidir. Gözdən, könüldən uzaq düşən, lakin qoxusu uzaqdan baş çatladan bu məntəqədə hər gün onlarla heyvan kəsilir və müxtəlif müəssisələrə satılır. Ən dəhşətlisi isə odur ki, buradan ət emalı sexlərinə əsasən camış ətləri göndərilir. Belə insafdan kənar üsulla qazanılan pulu, təbii ki, halal saymaq olmaz, çünki, istehlakçının aldadılması yolu ilə əldə edilir. Amma bununla belə, son günlərdə yayılan xəbərlər göstərir ki, hazır ət satılan bir sıra bazarlarla və bəzi ət məhsulları istehal edən sexlərlə müqayisə etdikdə camış ətini dana əti adı altında satanları az qala günahsız mələk saymaq olar. Bu cür “qəssab”ların və kolbasa-sosis sexlərinin satdığı əksər məhsul ya murdar ət, ya da at, eşşək və bəzən it əti olur. Yanvarın ortalarında Xaçmaz rayonunun Qımıl kəndi yaxınlığında meşədə tapılmış yüzlərlə at və eşşək sümüyü bunun bariz sübutudur. Mən hələ ətin daşınması ilə məşğul olan maşının vəziyyətini demirəm.. Məsələ ilə bağlı məntəqə rəhbərini tapmağa çalışsaq da, qarşımıza çıxan olmadı. Durumla bağlı Dövlət baytarlıq xidmətində olduq. Qurumun rəis müavini Emin Şahbazov bildirdi ki, durumu nəzarətə götürəcəklər. Ümumilikdə isə, bugündən etibarən qurban bayramı ilə əlaqədar monitorinqlərə start veriləcək.

Hər halda, nəzərə alsaq ki, hazırda ölkədə mal qara arasında nodulyar dermatit xəstəliyi geniş yayılıb, düşünməyə dəyər. Gün ərzində 10-dan artıq dana və camış ətinin satıldığını nəzərə alsaq, 2 tondan çox ətin kolbasa və sosis sexlərinə göndərildiyini yəqin etmək olar. Onu da, öyrəndik ki, bu ət kəsim məntəqəsi 3 ildən çoxdur ki, fəaliyyət göstərir. İndi siz deyin, hörmətli baytarlıq idarəsi rəsmiləri, son 3 ildə yolunuzu buradan neçə dəfə salmısınız? Yoxsa sizin evinizə sosis –kolbasa amerikadan gəlir? Sabir demişkən, qoy mən tox olum özgələr ilə nədi karim?!-ifadəsindən uzaq olun. İnsaf da dinin yarısıdır.