Görüşlərdə Qarabağ münaqişəsinin həlli üzrə Sülh Sazişinin əsas müddəaları müzakirə ediləcək.
Parisdə Fransa prezidenti Fransua Ollandla Azərbaycan prezidenti İlham Əliyevin görüşü olub.
PressNews.Az xəbər verir ki, APA-nın məlumata görə, F. Olland Azərbaycan dövlət başçısını Yelisey Sarayında qarşılayıb.
Azərbaycan prezidenti ilə görüşdən sonra F. Olland Ermənistan prezidenti Serj Sarkisyanla görüşəcək.
Üçtərəfli görüş isə Bakı vaxtı ilə saat 22:00-da baş tutacaq. İki saat davam edəcəyi planlaşdırılan görüşdən sonra rəsmi şam yeməyi olacaq.
Görüşlərdə Dağlıq Qarabağ münaqişəsinin həlli üzrə Sülh Sazişinin əsas müddəaları müzakirə ediləcək.
Qeyd edək ki, bu, 2014-cü il ərzində Azərbaycan və Ermənistan prezidentlərinin üçüncü görüşüdür.
İlham Əliyevin Serj Sarkisyan ilə görüşü Bakı vaxtı ilə 21:00-a təyin edilib.
Azərbaycan və Ermənistan prezidentlərinin bu gün Parisdə baş tutacaq görüş cədvəli məlum olub.
PressNews.Az Yelisey sarayının saytına istinadən xəbər verir ki, saat 11:00-da (Bakı vaxtı ilə 14:00) Fransa prezidenti Fransua Ollandın Azərbaycan prezidenti İlham Əliyev ilə görüşü başlayıb.
12:15-də (Bakı vaxtı ilə 15:15) Fransa prezidentinin Ermənistan prezidenti Serj Sarkisyan ilə görüşü təyin edilib.
18:00-da (Bakı vaxtı ilə 21:00) Fransua Olland Azərbaycan və Ermənistan prezidentləri ilə Dağlıq Qarabağ münaqişəsinin və Qafqazın gələcəyinə dair qlobal məsələlər üzrə üçtərəfli görüşünü keçirəcək.
Sammitdən sonra 20:00-da (Bakı vaxtı ilə 23:00) bütün ölkə nümayəndələri ilə şam yeməyi keçiriləcək.
