Qışda xəstələnməmək üçün

Cəmi 50 qəpiyə evdə vitamin kokteyli

Sağlam həyat tərzinə kompleks yanaşmaq lazımdır. Orqanizmi həm xarici, həm də daxili təhlükələrdən qorumaq gərəkdir. Qışın şaxtaları sizi xəstələndirməsin deyə PressNews.Az ev şəraitində hazırlana biləcək faydalı vitamin kokteyli reseptini təqdim edir:

İnqredientlər:

- 1 ədəd alma;

- 1 ədəd kök;

- 2 ədəd çuğundur;

- Zəncəfil şirəsi;

- 1 paket C vitamini (askorbin turşusu);

Şirə çəkən maşında bütün inqredietlərin şirəsini çəkirik və qarışdırırıq. Alınan mayeyə bir qədər askorbin turşusu əlavə edirik. Bu eliksiri yorğunluğun aradan götürülməsi, taqətsizlikdən xilas olmaq və immuniteti yüksəltmək üçün istifadə edə bilərsiniz.

Kokteylin tərkibindəki çuğundur şirəsi yaddaşı yaxşılaşdırır, damarda qanın daha yaxşı axmasını təmin edir. Kokteylin hazırlanması cəmi 10 dəqiqə vaxtınızı alacaq. Qiyməti isə 50 qəpikdən çox olmayacaq.