İlhamə Quliyeva: Mən Koroğluyam!

PressNews.Az axşam.az-a istinadən xəbər verir ki, şou-biznesdən, “at oynadanlardan” danışan müğənni hər kəsə xəbərdarlıq edib:

“At üstündə bir nəfər oturar. O da Koroğlu. Koroğlu isə mənəm. Atımın üstündə oturmuşam. O at üstə oturmaq istəyənlərə mən “kor kişinin övladı” deyirəm. Onlar mənim qarşımda belə bir şərəfə layiq deyillər. Qabağımda heç kim at oynada bilməz, yerlərini bilsinlər.

Bu şou-biznesdə nömrə bir məndən sonra gəlir. Deyirlər, hamısı İlhamə Quliyevadan qorxur. Xeyr, sadəcə, mənə hörmət edirlər. Efirdən mənfi mesaj göndərəndə müğənnilərin çoxu özünü sığortalayır, mənə zəng edirlər. Deyirlər, yuxuda görmüşdük, siz kraliçasınız, baş tacısınız. Mən gözəl xanımam, çirkin deyiləm. Mənə baxanda insanlar yaşamaq istəyir. Ona görə də yaşayıram və yaşadıram”.

İ.Quliyeva “Bir dəfə demisiniz ki, müğənnilərdən birinin ticarət mərkəzində şinyonu düşüb” sözlərinə isə belə cavab verib:

“Şinyonu elə-belə düşməyib. Bir dəfə ticarət mərkəzində bir müğənnini başqasının həyat yoldaşı ilə gördüm. Onu orada döydülər, sürüdülər, şinyonu da ona görə düşdü. Başqasının yoldaşı ilə gəzən döyülər də, söyülər də”.