İraqda 1700 kursantı edam edən "İŞİD" komandiri ələ keçib

Ötən ilin yayında İraqın Tikrit şəhərinin şimalında 1700 kursantın edam edilməsininin təşkilatçısı olan "İŞİD" komandiri Nasir əl-Amunə ordu tərəfindən əsir alınıb. Pressnews.az İraq mətbuatına istinadla verdiyi xəbərə görə, "İŞİD" komandiri könüllülərin Tikritə son hücumu zamanı tutulub. Onun tezliklə mühakimə ediləcəyi gözlənilir. Amma İraqın rəsmi mənbələri hələ bu məlumatı təsdiqləməyiblər.

Qeyd edək ki, "İŞİD" ötən ilin yayında Tikrit şəhərinin şiamlında yerləşən Spayker qərargahını tutuduqdan sonra burada hərbi təhsil alan 1700-ə yaxın kursantı müxtəlif şəkildə edam etmişdi. Edam edilənlərin böyük əksəriyyəti İraqın şiələr məskunlaşdığı əyalətlərin qeydiyyatında olanlar olub.