Bu gün Azərbaycanda "Got Talent" layihəsinin yayımına start veriləcək.
Bu gün Azad Azərbaycan Televiziyasında dünyanın ən məşhur layihələrindən olan "Got Talent" layihəsinə start veriləcək. Layihənin Azərbaycan versiyası "Özünü Tanıt" adlanır.
Şounun aparıcıları kifayət qədər tanınınmış iki sima olacaq. Araz 103.3 FM-in "3-ü 1-də" səhər şousunun aparıcıları Aygün Akif və onun həmkarı, həm də tanınmış müğənni Elgün Hüseynovolacaq.
Münsiflər heyətinin kimlər olduğunu bilsək də, bu təşkilat komitəsi tərəfindən sirr saxlanıldığından açıqlaya bilmirik. Yalnız onu deyə bilərik ki, münsiflərdən biri çox məşhur müğənni, biri şoumen, digəri isə sirr... olaraq qalsın. Layihənin baş prodüseri Şamxal Həsənlidir.
"Özünü Tanıt" teleşousu, Böyük Britaniyada populyar "Got Talent" telelayihəsinin rəsmi şəkildə alınmış Azərbaycan versiyasıdır. Bu layihə 2005-ci ildə yaranıb və bu verilişdə, yaşından asılı olmayaraq bütün iştirakçılar öz unikal bacarıqlarını numayiş etdirə bilər - muğənnilik, rəqs, akrobatik hərəkətlər, döyüş növləri və s.
Qeyd edək ki, bu layihə Rusiyada "Minuta Slavı", Türkiyədə isə "Yetenek Sizsiniz" adı ilə yayımlanır. Azerbaycanda bu şounun rəsmi lisenziyası Kaspi Global MMC şirkəti tərəfindən əldə edilib. Bu layihə, Ginnesin rekordlar kitabına da ən məhşur veriliş kimi düşüb.
Layihə Azərbaycanda indiyədək baş tutmuş şoular içərisində möhtəşəmliyi ilə seçiləcək.
Siz də özünüzü tanıtmaq üçün kifayət qədər istedadlı hesab edirsinizsə, anketi dolduraraq, qeydiyyatdan keçə bilərsiniz.
Layihə Kaspi Global Production-ın istehsalıdır. Şou bu axşam saat 21:30-da ATV-də yayımlanacaq.
