PRESS NEWS AZERBAIJAN

İkili vətəndaşlığının olmasını gizlədən azərbaycanlılara – CƏZA

28.04.2015

 

Layihə səsə qoyularaq qəbul olunub.

 

Xarici dövlətin vətəndaşlığını qəbul etmiş Azərbaycan vətəndaşı bu barədə Azərbaycanın müvafiq icra orqanına məlumat vermədiyi halda məsuliyyətə cəlb ediləcək.

 

PressNews.Az xəbər verir ki, APA-nın məlumatına görə, Milli Məclisin bu gün keçirilən iclasında bununla bağlı Cinayət Məcəlləsinə əlavələr müzakirəyə çıxarılıb.

 

 

 

 

Layihə barədə məlumat verən Hüquq siyasəti və dövlət quruculuğu komitəsinin sədri Əli Hüseynli bildirib ki, Azərbaycan qanunvericiliyində ikili vətəndaşlıq qadağan olunur.

 

O qeyd edib ki, hazırkı layihəyə görə, Azərbaycan prezidenti tərəfindən Cinayət Məcəlləsinə yeni 318-2 (Xarici dövlətin vətəndaşlığını qəbul etmiş Azərbaycan Respublikasının vətəndaşı tərəfindən bu barədə məlumatın verilməməsi) maddəsinin əlavə olunması təklif edilir.

 

Maddəyə əsasən xarici dövlətin vətəndaşlığını qəbul etmiş Azərbaycan Respublikasının vətəndaşı tərəfindən bu barədə müvafiq icra hakimiyyəti orqanına bir ay müddətində yazılı məlumatın verilməməsinə görə 3 min manatdan 5 min manata qədər cərimə və ya 360 saatdan 480 saatadək ictimai işlərlə cəzalandırılma nəzərdə tutulur.

 

Layihə səsə qoyularaq qəbul olunub.

Please reload

ƏN ÇOX OXUNANLAR

Please reload

Please reload