Bu gün Ağcabədi şəhərində üç nəfərin ölümü, iki nəfərin isə yaralanması ilə nəticələnən yol qəzası baş verib. APA-nın Qarabağ bürosunun xəbərinə görə, Rayonun Hacıbədəlli kənd sakini, 1968-ci il təvəllüdlü İsmayılov Nadir Məhərrəm oğlunun idarə etdiyi 04 OF 117 nömrə nişanlı VAZ 21 07 markalı maşın həmin rayonun Avşar kənd sakini, 1960-cı il təvəllüdlü Nəcəfov Faiq İsmayıl oğlunun idarə etdiyi 45 BF 511 nömrə nişanlı “Mercedes” markalı maşınla toqquşub. Nəticədə hər iki avtomaşının sürücüsü və “VAZ-2107”-nin sərnişini, 1979-cu il təvəllüdlü Məhərrəmov Nadir Səfər oğlu hadisə yerindəcə keçiniblər. “VAZ-2107” markalı maşının digər sərnişinləri, 1964-cü il təvəllüdlü Rüstəmov Akif Ziyad və 1961-ci il təvəllüdlü Rüstəmov Eldar Sayad oğlu isə müxtəlif bədən xəsarətləri ilə Ağcabədi Mərkəzi rayon Xəstəxanasına çatdırılıblar. Faktla bağlı Ağcabədi rayon Polis Şöbəsində cinayət işi qaldırılıb, araşdırma aparılır.
