I Avropa Oyunları Azərbaycanın bütün sahələr üzrə imkanlarını dünyaya nümayiş etdirməyə imkan yaradacaq.
Bunu Trend-ə Bakıda səfərdə olan Avstraliya parlamentinin deputatı Lyuk Simpkins deyib.
O bildirib ki, Azərbaycana gələcək idmançılar və turistlər, sözün əsl mənasında, ölkəyə heyran qalacaqlar: "Azərbaycan və Bakının gözəlliyi, əhalinin qonaqpərvərliyi və tolerantlığı məni heyran etdi. Düşünürəm ki, I Avropa Oyunları üçün Bakıya gələnlər də Azərbaycanın gözəlliyi və inkişafına valeh olacaqlar. I Avropa Oyunları həmçinin Azərbaycan iqtisadiyyatının inkişafına və ölkənin dünya arenasında əlaqələrini genişləndirməyə imkan yaradacaq".
