Türkiyə Prezidenti Rəcəb Tayyib Ərdoğan I Avropa Oyunlarının açılış mərasimində iştirak etmək üçün Azərbaycana gəlib.
Trend-in məlumatına görə, Prezidenti Milli müdafiə naziri İsmət Yılmaz, Mədəniyyət və turizm naziri Ömər Çelik, Energetika və təbii ehtiyatlar naziri Taner Yıldız və sabiq Nəqliyyat, gəmiçilik və kommunikasiyalar naziri Binəli Yıldırım müşayiət edir.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Türkiyə Prezidentini və xanımını Azərbaycan Respublikası xarici işlər nazirinin müavini Xələf Xələfov və “Bakı-2015” Avropa Oyunları Əməliyyat Komitəsinin nümayəndələri qarşılayıblar.
