PRESS NEWS AZERBAIJAN

"Nainqqolan məni söydü" - Mahir Mədətov

27.09.2017

 

 

“Hər şeyi özünüz gördünüz. Rəqibin gücü bəllidir. Məncə, “Roma”dan çəkinmədik, yaxşı oynadıq. Hətta hesabı bərabərləşdirmək üçün şansımız da odlu”

 

Bu sözləri “Qarabağ”ın hücumçusu Mahir Mədətov UEFA Çempionlar Liqasının qrup mərhələsi çərçivəsində “Roma” ilə oyunu şərh edərkən bildirib.

 

Gənc forvard öz oyunundan razı qalmadığını da qeyd edib: “Heç vaxt öz oyunumdan razı qalmıram. Çünki bu, doğru olmaz. Əlimdən gələnin daha yaxşısını etməliyəm”.

Mədətov adının “Rona” ilə hallanması ilə bağlı yayılan xəbərlərə də münasibət bildirib. O, “Qarabağ”ın oyunçusu olduğunu, bu barədə məlumatı yalnız mətbuatdan oxuduğunu söyləyib.

 

 

Bundan başqa Mahir Mədətov “Roma”nın futbolçusu Raca Nainqqolanla arasında baş verən gərginlikdən də söz açıb: “O, məni söydü, mən də cavab qaytardım. Dedi ki, topa oyna, ayağıma yox. Oyundan sonra da mehriban şəkildə anlaşdıq”.

Please reload

ƏN ÇOX OXUNANLAR