2014-cü ildən Türkmən şəhəri Kərkükü işğal etmiş Məsud Bərzani gücləri dünən gecə İraq ordusunun başladığı əməliyyat qarşısında geri çəkilir.
Artıq İraq ordusu Kərkükdə bir sıra strateji obyektləri, neft-qaz sahələrini nəzarətə alıb.
Mövqelərini qoyub geri çəkilən Bərzani peşmərgələri isə onlara yuxarıdan əmr gəldiyini bildirirlər. Eyni zamanda, onlar ABŞ-ın xəyanəti ilə üzləşdiklərini qeyd edirlər.
Qeyd edək ki, İraq ordusu ABŞ-ın verdiyi tanklarla və ABŞ-ın təlim keçdiyi nizami birliklərlə Kərkükə hərəkət edib.
Bölgədə reportaj hazırlayan Bərzaninin “Rudav” televiziyasının müxbiri və əsgərlər isə Bərzani peşməgrənin geri çəkilməsi ilə bağlı göz yaşlarını saxlaya bilməyərək ağlayırlar.
