Şimali İraqda bir müddətdir davam edən sükut gecə saatlarında yenidən pozulub.
Pressnews.az-ın məlumatına görə, Zumar ərazisində İraq ordusu ilə Peşmərgə qüvvələri arasında qarşıdurma yaşanıb. Fərat çayı yaxınlığında olan şəhərdəki qarşıdurma nəticəsində Peşmərgə əsgərləri ordu tərəfindən nəzarətə götürülüb. Sosial mediada yayılan fotoda görünür ki, bir neçə gün əvvəl İraq ordusunun əsgərlərini girov götürən Peşmərgə onlara necə davranıbsa, indi İraq əsgərləri də Peşmərgəyə o cür davranıb. Məlumata görə, səkkiz Peşmərgə əsgəri tutulub.
İraq Kürd Regional Birliyinin lideri Məsud Bərzaninin “Rudaw” televiziyası məlumat yayıb ki, Bağdad rəhbərliyi Zumar şəhəri ətrafına tanklar, zirehli maşınlar və toplar yerləşdirib. Yerli mənbələrin məlumatına görə, Zumardakı qarşıdurmaya Haşdi Şabi qüvvələri də qatılıb.
