Türkiyənin "FOX" telekanalında yayımlanan və Azərbaycanda da maraqla izlənilən “Savaşçı” serialının 22-ci bölümünün anonsu yayımlanıb. Filmin 22-ci bölümündə Azərbaycanla bağlı səhnələr də var. Anonsdan bəlli olduğu qədər terrorçular Azərbaycana qarşı təxribata hazırlaşır. “Kılıç” manqası isə Azərbaycan bayrağı olan qol nişanını (şevron) taxaraq, qardaş ölkəyə qarşı təxribatın qarşısını alacaq. Bundan başqa, serialda Azərbaycanla Türkiyənin bir millət, iki dövlət olması ilə bağlı fikirlər də səsləndirilir. Filmin qeyd edilən seriyası bu bazar saat 20:00-da FOX tv-də yayımlanacaq.
