Şəkidə 4 nəfərin ölümü, 4 nəfərinsə yaralanması ilə nəticələnən ağır yol qəzası baş verib.
Pressnews APA-ya istinadla xəbər verir ki, hadisə bu gün axşam saat 19 radələrində Yevlax-Zaqatala-Gürcüstan sərhədi magistral yolunun 18-ci kilometrliyində, Şəki rayonu ərazisindən keçən hissəsində baş verib.
“Mersedes” və “Passat” markalı minik avtomobillərinin toqquşması nəticəsində 4 nəfər ölüb, 4 nəfər isə yaralanıb. Ölənlərdən ikisi hadisə yerində, ikisi isə Mingəçevir Şəhər Mərkəzi Xəstəxanasında (ŞMX) keçinib.
Yaralılardan 3 nəfəri Mingəçevir ŞMX-a, bir nəfər isə Şəki MRX-a aparılıb.
Şəki MRX-dan verilən məlumata görə, yaralının müayinəsi aparılır, vəziyyəti ağır qiymətləndirilir.
Qəza nəticəsində ağır vəziyyətdə xəstəxananın reanimasiya şöbəsinə yerləşdirilən 1963-cü ildə Yevlax rayonunda doğulan İsa Hilal oğlu Abbasov Rusiya Federasiyasının Primorski diyarında qeydiyyatdadır və o, Rusiya vətəndaşıdır.
Faktla bağlı Daxili İşlər Nazirliyinin (DİN) Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.
