PRESS NEWS AZERBAIJAN

Serj Sarqsyan istefa verməyə məcbur oldu

23.04.2018

 

Ermənistanın baş naziri Serj Sarqsyan istefa verib. 

Sarqsyanın istefası Ermənistanda keçirilən çoxgünlük etiraz aksiyalarından sonra baş verib.

Ermənistanın baş naziri Serj Sarqsyanın istefa müraciətinin mətni də yayılıb. 

"Sizə son dəfə dövlət başçısı kimi müraciət edirəm. Nikol Paşinyan (etiraz aksiyalarının lideri) haqlı idi. Mən səhv etmişəm. Yaranmış vəziyyətdən bir neçə çıxış yolu var, lakin mən onların heç birinə getməyəcəm. Bu mənlik deyil. Mən ölkəmizin rəhbəri vəzifəsindən gedirəm" — Sarqsyanın müraciətində deyilir.

Xatırladaq ki, aprelin 13-dən Ermənistanda eks-prezident Serj Sarqsyanın baş nazir seçilməsinə etirazlar başlayıb. Aprelin 17-də müxalifət ölkədə "məxməri inqilab"ın başladığını elan edib. Buna baxmayaraq, parlament Sarqsyanı baş nazir kürsüsünə oturdub.

Aprelin 22-də müxalifətin lideri, parlamentdəki "Yelk" ("Çıxış") fraksiyasının rəhbəri Nikol Paşinyanla baş nazir Serj Sarqsyan arasında uğursuz dialoq cəhdi olub. Baş tutmayan dialoqdan dərhal sonra Paşinyan həbs edilib, lakin bir gün sonra azadlığa buraxılıb.

Please reload

ƏN ÇOX OXUNANLAR