Təhsil naziri vəzifəsini icra edən şəxsin adı açıqlandı

"Bundan əvvəl də nazir vəzifə başında olmadığı hallarda onu Ceyhun Bayramov əvəz edirdi"

Azərbaycanın təhsil naziri vəzifəsinin müvəqqəti olaraq icrası təhsil nazirinin müavini Ceyhun Bayramova tapşırılıb.

Bu barədə Sputnik Azərbaycan-ın sorğusuna cavab olaraq Təhsil Nazirliyindən bildirilib.

"Bundan əvvəl də nazir vəzifə başında olmadığı hallarda onu Ceyhun Bayramov əvəz edirdi" — deyə nazirlikdən əlavə olunub.

Qeyd edək ki, prezident İlham Əliyevin sərəncamları ilə Mikayıl Cabbarov təhsil naziri vəzifəsindən azad olunaraq vergilər naziri təyin edilib.